ಮನದಲ್ಲಿ ಅಡಗಿ ಕುಳಿತಿದೆ

 ಮನದಲ್ಲಿ ಅಡಗಿ ಕುಳಿತಿದೆ

ಪ್ರೀತಿಯ ಧ್ವನಿ ಮುದ್ರಣ.

ಅದ ಹೇಳಲು ಹೃದಯ ಬಯಸಿದೆ

ಕೊಡುವೆಯಾ ಒಪ್ಪಿಗೆ ಆಹ್ವಾನ?

ಮನದಲ್ಲಿ ಅಡಗಿ ಕುಳಿತಿದೆ

ನಿನ್ನದೇ ಭಾವಚಿತ್ರ ನಲ್ಲೆ.

ಅದ ಕದಿಯಲು ಹೃದಯ ಬಯಸಿದೆ

ನೀಡುವೆಯಾ ಅನುಮತಿ ಈಗಲೇ?

ಮನದಲ್ಲಿ ಅಡಗಿ ಕುಳಿತಿದೆ

ಅಧರದ ನಗುವಿನ ಸಿಂಚನ.

ಅದ ನೋಡಲು ಹೃದಯ ಬಯಸಿದೆ

ಕೊಡುವೆಯಾ ಒಪ್ಪಿಗೆ ಅಂಕಣ?

 

ಮನದಲ್ಲಿ ಅಡಗಿ ಕುಳಿತಿದೆ

ಸುಂದರ ಕಣ್ಣ ಛಾವಣಿ (ರೆಪ್ಪೆಗಳು).

ಅದ ತೆರೆಯಲು ಹೃದಯ ಬಯಸಿದೆ

ನೀಡುವೆಯಾ ಅನುಮತಿ ಮೇದಿನಿ?